Zogam, Tongzang le Cikha tsp. sungah hun sawtpi lai akipan kumpi phalna tawh kisem sim tawntung ahi Beng ( Poppy) ciinna tawh kisai-in Zomi khempeuh in a kilungmawh ciat thu ahi hi. Hih Beng kicin hun akipan India kumpi langpang Meitei (Kate) gamnuai mite Zogam sungah hong lutin hong inntek tang mahmah bek tham loin,Zomite teenna khua mite le mi tampi in sihna le gentheihna kithuaklawh hi.
Tua bek tham loin, Zomite khangno tampi te in Beng ne/kisun in siatna le sihna hanmual aliam tampi om khin hi hang. Hih thu tawh kisai Kawlgam kumpi in hong awlmawh loh ciangin, leitung kumpi tuamtuamte le UNO ciang dongah zaksakna kinei ciat hi. A diakdiak in Zomi Association of US (ZAUS) hanciamna tawh US kumpi tung le United Nations Office On Drugs and Crime (UNODC) te, India Ambassador (MS) Meera Shankar India Embassy tungah Tonzang gamah beng ciin na khawl sak na dingin laikhakna le thukohna kinei in, US kumpi in hong thupisansak mahmah ta cih kiza hi. Tua banah India kumpi le Kawl kumpithakte zong hih vai ah gamgi dung kepbitna lam tawh kisai panlaksawm mahmah ta cih kiza hi.
A lungdam huai thuthak khatah Zomite i thungetna Pasian in hong dawngin, Tonzang le Cikha kuam a beng tang bung 80 ( Kilo 115.2) abeisa October 27,2011 ni (7:00Pm)hunin Tonzang khuapi Shew Pyi Hall ah Zogam Chief Minister Pu Hung Ngai le kumpi uliante akipan khuanu khuapate tungah apna le Beng nasep a hoihloh zia tawh kisai thugenkhopna nasiatak kinei cih kiza hi. Hih Beng nasep tangin ganhing khawina lam le lokhawh nasepna lamah Kumpi in nasiatak huhna piak dingin CM Pu Hung Ngai in genkhia hi.
Zogam Tonzang le Cikha Tsp. sungah Beng cinna Acre 1000 sang tawmzaw lo om khin ta a, khangnote a tamzaw in Beng(Zavom) nekna pan sia mahmah uh ci hi. A hi zongin Beng kang (zakang) ciang dinmun bel kibawl zo nai taktak lo cih kiza hi. Zogam , Cikha le Tonzang gam ah beng cinna hong hat mahmah hun pen abeisa 2006 kum akipan Meitei (Kate) gamnuai mite le Kawlgam galkapte kizopna aneih akipan hong khauhpai mahmah pen ahi hi.
Tua ahih manin Zogam pan khamtheih guihtheih a bei mengmengna ding le Zomite innkuan sungah hong tun main Topa tha tawh do mengmeng ding hi hang. Zomite Topan hong makaih ta peuh hen.
Source : CW, through TS
A lungdam huai thuthak khatah Zomite i thungetna Pasian in hong dawngin, Tonzang le Cikha kuam a beng tang bung 80 ( Kilo 115.2) abeisa October 27,2011 ni (7:00Pm)hunin Tonzang khuapi Shew Pyi Hall ah Zogam Chief Minister Pu Hung Ngai le kumpi uliante akipan khuanu khuapate tungah apna le Beng nasep a hoihloh zia tawh kisai thugenkhopna nasiatak kinei cih kiza hi. Hih Beng nasep tangin ganhing khawina lam le lokhawh nasepna lamah Kumpi in nasiatak huhna piak dingin CM Pu Hung Ngai in genkhia hi.
Zogam Tonzang le Cikha Tsp. sungah Beng cinna Acre 1000 sang tawmzaw lo om khin ta a, khangnote a tamzaw in Beng(Zavom) nekna pan sia mahmah uh ci hi. A hi zongin Beng kang (zakang) ciang dinmun bel kibawl zo nai taktak lo cih kiza hi. Zogam , Cikha le Tonzang gam ah beng cinna hong hat mahmah hun pen abeisa 2006 kum akipan Meitei (Kate) gamnuai mite le Kawlgam galkapte kizopna aneih akipan hong khauhpai mahmah pen ahi hi.
Tua ahih manin Zogam pan khamtheih guihtheih a bei mengmengna ding le Zomite innkuan sungah hong tun main Topa tha tawh do mengmeng ding hi hang. Zomite Topan hong makaih ta peuh hen.
Source : CW, through TS
0 comments :
Post a Comment
Click to see the code!
To insert emoticon you must added at least one space before the code.