16th August 2013 (Friday) in, UN pan Human Rights lam vaipuak nei Thomas Ojae Quintana pen Zogam (Chin state) ong pai ciang, Zomi/ Chin te in, gamvai, pilna vai, sumbawlna vai te baikna vai te, gen ding hau mahmah uhhi ci-in Zogam (Chin State) aa omte khatin gen hi.
Adiakdiakin, Christian tamna gam khat hi-in, mipi ii lungkimpihna omlo in, tattungte lamh ding deihloh hi ung ci-in, Chin khantohna ding kipawlna aa panmun nei khatin gen hi.
Tulaitak pen, Falam khua lam ah biakna lam buaina om phadiak hi. Tattung te lam ding deihlohna mipi te in limh gen phadiak uhhi.
Tualo adang khat pen, CNF te in, kumpi tawh kilemna abawl khit uh ciang in zongh, Zomi te in, tua CNF te deihloh uhhi. CNF te in zongh, mipi te aw ngai in, a om ding uh ahoih ahihi. Tuabang hileh, kilemna kithutuahna pen omzaw ding hi.
Quintana ong pai ciang in, hihbang thute leh adang pawlkhat gen ding mipi lam pan in lunggulhna om hi.
Tuabek thamlo in, Tedim khuapi khawk sung aa om Gullu mual vai zongh, mipi te ii lungkimna omloh in, Myanmar kumpi in, China company te tawh a tawh sawm teiteina te uh zongh UN pan Human Rights lam sem palai ong tun ciang gen ding kilunggulh hi.
Quintana pen, Myanmar gam ah 7 vei, ong zin khin ahihi. Ahizongh in, Zogam ah a khualzinna pen, tutung a masapen cih ding ahihi. Tutung pen, Rakhaing gam lampan in, Zogam on glut sak ding aa Kachin gam dong baan suakding cih geelna ahihi.
