ZYA Kalay aa zumhpi ah GZA meeting kibawl

11th August 2013 sun-in ZYA zum ah GZA ( Kawlpi ) meeting kibawl a, tuamun ah Siamsin mintawh ka na kihel thei hi. Vai tuamtuam te kikupna ombek thamlo in, biakna lampan siapi te , kiukna lampan hausa makai te, mipi ading nasem kipawlna tuamtuam te cih bang in kigawm tuah athu kisung kikupna ahih man in zaknop leh theihna tampi hong khangsak mahmah hi. Hih bang ki muhkhop na om zelzel leh lungkimhuai mahmah ding hi.

Meeting zawhna thunget khit ciang in holimna hunnuam khat ki nei beh a , theih huai thu tuamtuam zakha ka hih man in ong hawmsawn nuam ka hihi. 2014 March kha a , a ki bawl ding pre Census ah koi ci bang in mapang le hang hoih ding hiam cih thusunna tungtawn in thu kigen pawlkhat hong hawm sawnnuam ka hihi.

“Ei deihna zong athupi pen hi mah hi. Ahi zongin a vaihawm lamte in bang ngimna tawh bawl cih ong thupi sem ding hi. Tua I theih khit ciangin khentat pan leng khialhna tawm pen ding hi.”

“Nidanga Lia leh Taang vai ah Siamsinte abuaina uh gualzo aki sak mahmah uhhang tu-in amau upmawh bang ahih lohna”
“Na khat peuhpeuh ah tuhun ading bek ngaihsun lo-in mailam saupi ading ngaihsut huai te”

“Kawlgam bup ahuzo minam te ihih na i angtan i kisaktheihpihna thu te”

“ Mimasa te I dotbawl huai thu, kum50 tungsiah Kawlgam sung ah ateng lai mipil masa te adot bawl huai thu”

“ Tulai tak a kumpi nasem te I lungsim sungah asan zia uh”

“ Nek leh dawn haksatman a ,gamdang aom innkuan pih te khaksa tawh nung ta a, aom te i lungsim puak taktak akan tel huai na thu”
“Gam dang a aom atu a U a Nau a Sanggam te in sum hong khak nawn kei leh cih lung sim pua a a om I mipi te lung sim tawng ah a sanzia bang a hi tam cih te a kan huai na thu”

“ Hih vaipen thulianpi ahih manin mipilte makaihna kisam ding hi. Minam vai pen ukna veina ciang lel tawh mual kisuak zolo ding hi.”

cih bang in ngaihsut huai thu tampi zakha ka hih man in a hong hawm sawn ka hihi.

GZA meeting kah teng


Rev. Pau Khan Khai
Pa Kam Suan Mung
Rev. Go Za Nang
Rev. Cin Za Dal
Rev.Dr.Man Hau Cing
Dr. Thang Lian Kap
Pa Gin Khan Pau
Pa Pum Khua Nang
Pa Vungh Za Khup
Pa Kham Do Dal
Tg Pau Tawi Thang
Pa En Khan Go
Pa SK. Gin Khan Pau

By Tg Pau Tawi Thang
Kalaymyo