ZCD party ah CEC kiteelna

President Pu Chin Sian Thang inn ah tuni sun 3:00-5:30 kikal party phuatkik nading makai 17te thu kikupna kinei thei hi. Party phuatkikna ding makai sungpan Pu SB Thangpau, Pu Lengtong Kam Khen le  Pu Thar Kyi hong kihel thei lo uhi. Thu kikupna ah Pu Chin Sian Thang in USA akhual zinna thute hawmsawn kikna hong nei banah, mailam party kalsuan zia dingte hong gen hi. Adang meeting kah mimal kim atam zaw in zong, party vai tawh kisai muhna le lunggulhnate kigen kimtek hi. Tuni thu kikupna panin Central Executive Committee ding  12 nitak  4;20 PM hunin gualzo tak le lungkim takin kiseh   hi. Tua banah party minthak tawh mipi maiah kilahna (Introduction) aman langin November kha kipat sungin bawl ding zong kikhen sat hi. Party signboard tawh kisai in bel, tulaitak khamtung panin, amasa pen in party member form 1,200 hong tung khin ta ahimanin, tuate a manlangin digital tawh aki khetkik khit ciangin, Nipidaw ah Myanmar Election Commission (MEC) ah kipuak ding hi. MEC tawh party  vai zum nasepte aman khit ciangin party SIGNBOARD kisuang thei ta ding ahi hi. Tua ban ah, State, Division, Township, Village cih bangin EC ding zong abanban in hong ki form toto lai ding ahi hi. 

29 October 2012 ZCD Party thu kikupna pan aki khensat Central Executive Committee 

President                                   - Pu Chin Sian Thang

General Secretary                       - Pu Gin Kam Lian

Associated General Secretary (1) -  Pu Zam Za Mung

Associated General Secretary (2) -  Pu Pau Lun Min Thang

Treasurer                                    - Pu Cin Suan Mang

Accountant                                 - Pu Ngul Khan Dal

Auditor                                       -  Pu Song Do Langh

Member                                      - Pu Khup Khan Mung  (Publisher)

                                                 -  Pu Hau Mun Khai

                                                  - Pu Kam Lam Khup

                                                  - Pu Anthony Kap Khan Khual

                                                  - Pu Pau Kim Tuang (Information) 

Atung ah CEC te in, hong pai ding meeting kikte ciangin party ading aki sam lai ahi, patron, adviser le committee tuamtuamte hong gual toto lai ding uhi. Tua banah, mai kum sungin gambup party khawmpi ding Zogam ah aki bawl zawh khit ciangin, party policy vai, strategy vai, makai kibeh lapna vai cihte kiptak in, ki nei lai ding ahi hi.

Thupuak

Kim Tuang

Info Team

Zomi Congress for Democracy

29 Oct 2012