ZBMC (ZOMI BAPTIST MISSION CHURCH TANGTHU)

ZOMI BAPTIST MISSION CHURCH TANGTHU

•          Zomi Baptist Mission Church pen August 15^th,2009 ni in mimal (28) te thukimna leh lungkimna tawh kiphut pawlpi hi.
•         Pawlpi min ding kikupna ah  min (3) ki sung aa ZBCM(Zomi Baptist Convention of Myanmar), ZBMC (Zomi Baptist Mission Church) leh EZBC (Emmanuel Zomi Baptist Church). Tu ma kum (100) hun in American Baptist Mission (ABM) te Zomi te sungah haksatna namkim thuak in Zeisu hong tatkhiatna ,gupkhiatna thu mission hong sepna uh phawkna leh tu in Zomi te American te kiangah mission tavuan nei ih hihna ih phawk den theih na dingin pawlpi phut mimal (28) thukimna tawh pawlpi min ding in ZOMI BAPTIST MISSION CHURCH  kikipsak hi.
•         ZBMC pawlpi leh Convention level kizop na ding tawh kisai in nasia takin  kikupnawina sung panin USA gam sung aa om  Baptist General Convention of Oklahoma (BGCO) tawh kizop dingin kithukim hi.Kawlgam aa om ZBCM tawh kizop zia ding tawh kisai in mun leh mual kigamlatna hangin mission partner (Mission nasep sepkhop na tawh kizop ding) hi dingin kithukim hi.
•    ZBMC pawlpi phut mimal (28) te thukimna om mah bangin kawlgam aa om ZBCM tawh mission nasepna pawlpi phut a kipan December 2011  ciang mission mun (5) te          

  Dallah Mission Field,

                          Nyipyidaw Mission Field,

                          Kyauktan Mission Field ,

                          Muse Mission Field leh

                          Ooyin Mission Field  ah nasepna kinei khin hi. 2012 kum panin pawlpi thanem na leh atuam tuam te hangin Dallah Mission Field bek kizom suak phot  hi. Mailam ah Global Impact Mission  (GIM) tawh kizom in Matthew 28:19-20 sung aa om bangin Zogam, Kawlgam leh leitung mun tuam tuam ah Mission nasep sep dingin gimna lianpi kinei hi. ZBMC pawlpi in 6216 S.Lewis Ave Suite #191,Tulsa,OK 74136 ah pawlpi zum khat kinei hi.

•         ZBMC pawlpi in mun tuam tuam a om Zomi pih te in Pasian thu tangko khiatna ding lunggulhna tawh website www.zbmctulsa.com ki nei hi.
•        ZBMC pawlpi-in pawlpi kum (3) cin lungdam ciaptehna,pawlpi mite Biakpiak kikhop paina leh pawlpi kisapna tuam tuam te ah zat theih dingin  Chevy-Motor (Van) lianpi khat kilei hi.
•       ZBMC pawlpi phut zawh kum (2) cin khit 2012 kum March kha sungin ZBMC pawlpi sung pan pawlpi mi pawlkhat leh Siate in ZBMC pawlpi phuhcil aa thukimnate bangin kalsuan ding ut nawnlo uh ahih manin Zomi Baptist Church Myanmar of Tulsa(ZBCM of Tulsa) pawlpi thak khat phuan in hong taisan uh aa pawlpi kithanem tuam mah mah hi. Tua bang hun laitak in pawlpi kitangsap mah mah na, ama hong itna leh hong vei mah mah na hangin Pastor Solomon Girma (Arrow Heights Baptist Church ,International/Mission Pastor) in ZBMC pawlpi hong makaih hi. Siapa Solomon Girma pen ZBMC pawlpi adingin Pasian letsong hi ci-in Pasian tungah lungdamna ih ko hi.
•         ZBMC pawlpi in USA kumpi ciaptehna Tax ID number leh 501C3 kinei hi. Baptist General Convention of Oklahoma (BGCO) tawh  kizom  hi.
•        ZBMC pawlpi pen mihing te hong piangsak Anungta Pasian suaktatak aa Biakpiak na ding leh Pasian lungtuak Mission nasep na dingin akiphut pawlpi ahih manin akua mapeuh in Pasian itna sungah ZBMC pawlpi tawh Biakpiakna piakhawm ding leh na sem khawm,mapang khawm  dingin Pasian in thupha hong pia kim ciat ta hen Amen.

ZBMC