Hih ci bangin ih makaih leh tua ci bang ih suak ding hi

Materialism= Pasian sangin mihing bulphuhna, mihing sangin leitang bulphuhna (Pil kisa semsem Pasian tawh kigam la semsem)

Entertainment=Thu sangin la bulphuh zaw, la sangin tumging (music) bulphuh zaw (Gin ngaih semsem thu mahmah hilo semsem)

Prosperity= Cihtakna le thumanna sangin hanciamna bulphuh zaw, hanciamna sangin gualzawhna bulphuh zaw (Gualzo-lawhcing 

kisa mahmah Pasian in ciapteh sak vet lo).

Wealth= Suahtaakna sangin hauhna bulphuh zaw, hauhna sangin gualnopna bulphuh zaw (Gualnop sawm mahmah suakta vetlo)

 

Pasian’ Thu sungah Cihtakna le Suahtaakna bulphuh loin van le nate, gualzawhna,  

hauhna le daupaina thute na bulphuh zawk leh damdamin a Lawki mi mahmah na suak tektek

ding hi.

 

 

Thumaan vs Ph.D

Hih thu tawh kisai tawm gen pak dih ni.

Thumaan ih cih pen B.Th khawng, M.Div khawng,  Doctor khawng, Ph.D khawng,

Galkap bu khawng, Kumpipa khawng a suakte bek ii thugen a maan hi lo a, amaan

 a gente’  thugen amaan hi lel hi.

Khangluite in thumaan le naupang na ci zaw uh hi. A cihnopna uah
naupangte' thugente maan hi a cihna uh ahi hi. Lai Siangtho thumaan
sanzia pomzia tawh kisai ah, Lai Siangtho thumaan a gen ziau naupang
khat ii upna pen Ph.D pilna nei khat pa ii uplahna sangin maan zaw
ziau hi cihnopna ciang hi beka, Ph.D khempeuh in thumaan nei lo hi
cihna bel hi sam lo hi.

Hih bangin min le za mel le sa beh le phung minam le pawlpi bulphuh bekin thumaan na zawn leh 

na mu kei ding hi.