1. Hih bang thu om ngei kei cih ding thu thak bangmah om lo-a khua hun zui ci-in ih khelkhel theih ding thumaan thak bangmah om tuan lo hi. A lui zia pen zia maan peen hi a, zia thak bangmah om lo hi. –A.W. Tozer
2. Eite in thuthak bangmah ih hilh kei hi, Eite’ ma-a nungzuipite le piangthak Syate in a na hilh uh thu luisa teng mah a gen kik, a zom kik, a phutkik kik bek mah ih hi hi.- Martin Luther.
3. Hong tung ding kum zalom sungah a lauhuai penpen thute in Kha Siangtho thu upna kihel lo biakna, Khrih thu kisut lo Christian Pawlpite, kisikna maan paa lo mawhmai zonna, suahkikna/pianthakna thu genlo hotkhiatna thu, Pasian’ thu kihel lo Nai-ngaan-zi kici gam thu, le Hell thu hemkhia vantunggam thu bek genna thute ahi hi. - William Booth.
4. Tu hun lungdamna thu tangko zia pen a beisa kum zalom 18 sung hun a tangko zia le Puritans kici pawlte’ gan zia tawh kibang nawn mel lo hi. Lungdamna thupuak zia, gen zia, tangko zia a maan taktak pen eite’ ma-a te’ gen zia teng mah hi zaw hi.- D. Martyn Lloyd – Jones
5. A khangham khinsa Lungdamna thupuak ahih hangin tua lui khin a khangham khin thumaante bek in khanlawhna thak piangsak hi. Khanlawhna thak a’ dingin a luikhinsa thumaante kibulphuh zaw hi.- Iain H. Murray.
6. ‘Thukham tawh kisai ah tua thukham ii a deihna thu a tel lo peuh mah in Lungdamna (the gospel) thu tel zo dingin kingaihsun kei hen’.- John Owen.
7. Pharisee te thu hilhna nuai ah a khangkhiate in mihing’ lungsim le ngaihsutna tawh Pasian thukham kipalsat ahih lam phawk khak vetin nei ngei lo uh hi; lungsim ah numei tawh mawhna, lungsim tawh mi thahna thu ih Topa Jesuh’ hilh thute a tel vet uh hi lo hi.- Anthony Burgess.
8. Pasian’ thukham 10 thu a kitel theih nadingin “thukham sawm ah kua na zuih zawh hangin khat na khialh leh a zui zo lo mah na hi veve hi,” cih thu gen belin kinei ka sa hi. A taktak in cile’ng “thukham sawm lakah thukham khat nangawn zong a kizuih zawh vet lohna thu gen belin neih ding hi zaw hi.- Evan. Suang Dal
9. Tuhun Lungdamna thu tangkona ah banghangin a piangthak taktak hong tawm semsem hiam? Thu khat om ding hi: Mite a piangthak nai lopi a nungtata, a sisi khin a hih lam uh, a pianpih uh siatna, amau’ zuau thu siksanin a kibelh tawmna uh, a mawhna uh seel-in a kisut a kiphelh tawm denna uh le a suakkik a piangthak nailo a hihna uh a lungsim tawng uh (conscience) ah thukham ii a vangliatna thu pen theih tawp, neih tawpin a kisut, a kihilh a kipuak masiah hih gam ah khanlawhna om ngei lo ding hi.- Mary Winslow.
10. Mawhna thu kigen lo lungdamna thu cih bang om thei lo a, banghiam mawhna cih thu za ah za kitelna a om sak zo lo lungdamna pen lungdamna thu taktak hi nai lo hi. – D. M. Lyoy D-Jones.
11. Singlamteh pen Khrih in eimau leitung mite ahong itna thu a tangkona pulpit ahi hi.- Augustine.
12. Piangthak taktak te’n bang gen in bang bulphuh uh hiam? Cih leh Lai Siangtho Pasian’ kammal bek mah bulphuh uh. Lungdamna thu ahi Jesuh’ dikna tawh Pasian’ gam zon ding bekmah gen masak le tangko masak in nei uh (Matthew. 6: 33). – Evan. Suang Dal
