Thu leh la gelh siam minthang “Father of Arts” a kici William Shakespeare i’ tangthu tamlo gen mawk mawk dih ni e.
William Shakespear pen kum 1564 in piang hi. A pa pen Savun bawlna muna nasem khat ahi hi. A naupan lai in saptuam(pawlpi) sangah laisin hi. Laisim sangin gamvak nuam asa zaw mi khat ahi hi. Tua ahihmanin sang(school) zong gina takin kah man lo hi. Innkuan nuamsa lua pana khangkhia ahihloh manin a Innkuan sung khual mah mah hi. Lim suai siam in tua banah lam siam ahihmanin mi thalawp sak thei mah mah hi.Limciin lam lunglut ahihmanin mipi maiah lim tam veipi piah hi.Ama’ gelh limciin ding tangthu te ah zong a tangvalpa(hero) ah awm nuam mah mah hi, zong lah siam mah mah se hi.A limciin tangthu gelh “As You Like It” a “Adam” lim leh “Hamlet” a “Kha(spirit)” a ciin ding pen tuh cihtak in tuh ci deep hi ei.
Shakespear laibu gelh lim lim pen minthang thei peuhmah bilbel hi.Kum 1592 a agelh “khialhna lian” kici leh Sonnet la nih te bang kumsawt lo sungin kua vei bang suahkik uh hi.A limciin tangthu gelh minthang diak te; ‘As You like it’, ‘The taming of the shrew’, ‘The merchant of venice’, ‘Hamlet’ leh ‘Julius Ceaser’ tea hi hi.La lam zong hih thei veve lel mawk hi.A la phuahte miten ngaihsa uh hi.La ngaih mah mah nih ‘Venus & Adonis’ leh ‘The rape of Lucrece’ phuak hi.Hih a laphuah hangin miten theih lawh uh hi.Hite banah la gual 14 a pha(sonnet) 154 tak phuak hi. Shakespear limciin tangthu te leitungbupah kizeel ta hi.Gam tuam tuam ten amau’ pau in letkhia uh hi.Tua banah sanglai sin dingin zong tampi kizang hi.Tua ahihmanin khangthak ten zong thei to zel dinguh a, amin dai nawn lo ding hi.A laigelh khempeuh literature thupi mah mah hi kim hi.A tangthu gelh sunga a kampau zat tampi te zong paunak(thupil) suak hi.
Shakespear pen mangkang te bangin thupi s amah mah uh hi.Kum 1840 in Edinburg University ah Thomas Carlye in England gam in Shakespear thupi a sakzia gen in, “India gam leh a hauhna khempeuh leh Shakespear koi tel zaw ding na hiam” cih kammal na zang phial liang hi.
