Gullu mual vai March khasung sepsawm zia geelna

North Mining Investment ( Gullu to nuamte )te gelna ( plan )

1)      Geological/ mining ministry tawh thukimna bawl khin

2)      Company in March 2013 kha bei ma amau bawltawm EIA/ SIA data te

kumpi thuneite tungah le mipi tung lakkhia ding.

3)      July 2013 in Project honpawi bawl ding

4)      2015 kum ciang akisam building lam ding.

5)      2016 kum in nasep kipan ding

6)      Gullu tawhna a meet  ( net profit ) pan Zogam khantohna dingin kum

khat in $ 500,000 ong pia ding. Net profit sung pan 2 % pen Chin State

government  vaihawmna bangin kizeek ding.

Hih sungah nambat 1 bel kuama theihma in a man sa thu hi.  No .2  na

pen ei lam panin amau data te sang a thakhauhzaw in I bawl zawh ding

ong thupi lua ta hi. Deihlo deihlo cih bek tawh ong hi thei pha nawnlo

hi. Hih data kaihkhopna dingin ahun kha khat sung a kinei lai suak hi.

Gelna ( March kha sung ) EIA/ SIA data kaikhawm ding

1)      Mi 30 EIA/SIA kaihkhopzia ni thum sung thusinna neihpih ding

2)      Mualbul khua kimah tua mi 30 te in data bawl ding

3)      Data khempeuh gawmtuah in laibu in bawl  ding.

4)      Laibu man ciangin mipi khawmpi le press laipi bawl ding

5)      Tua data te  , President, hluttaw, state gov,…., akisam bangin lai

puak kawikawi ding.

            2 -4 March 2013  ( Ni 3 sung ) Excel hotel, Ygn ah CSOs

kimuh khopna khawmpi khat kibawl ding hi.EIA/SIA thusinna ong pia thei

ding mipil a zong kawm dingin kei zong tua khawmpi ah na kihel sawm

ing. Thatuang le lawmte in kawlpi ah thusin ding mimal, a mun leh thu

le la a kisam ding teng na vaihawm khol ding uh hi.  U te naute aw,

deihsak na le itna tak tawh thusinna ong pai ding sia I ngah theihna

dingin thungetna a kipan,  hih theihna bangbang tawh diang huan dih

ni.  I mapan theihna kibang het lo hi. Hih vai pen I vekpi a hi.  Hih

tungtawn in ong pai lai ding Investment te zong  lungkim huai takin

maban kizomtoto lellel ding hi, cih hi mai ei. Fund tawh a kigam tang

hilo a, deihsakna tawh a sem nuam a omleh ci in a thu a la a khungkhol

hi zaw ung.

Lian Tuang