Kumsim February 12 ni a kibawlden ahi Kawlgambup Minamte Kipawlkhopna Ni (Union Day) pen tukum tawh Kum-66 cingta hi. Kawlgam sung a om Mualmi party tuamtuamte le ZCD kipawlin February 12,2013 ni-in Yangon khuapi, Shwe Shankan Hotel ah nasiatak bawl khawm thei cih ZCD Information tungtawn in kiza hi. Tua laiah NLD patry le 88- makaite, Kawlgam sunga om Embassy te ahi USA, Piantit,Germany, Uk, le EU zumpite pan Embassador te zong kihelthei uh hi.
Thu lamdang khatah NLD party pan Patron U Tin Oo in thugenna nei-in," Tu nitak Zomi Nam Ni " ci-in genkha thapai-in, a kiang a tutpihte'n Pyidaungsuh (Union Day) ni hi zaw ci'n hilh na pi'n, Zomi Nam Ni mahin ci teitei hi. A tawpna ah Pyidaungsuh Ni (Union Day) cikik panin mipi-in lamdang kisa mahmah cih thu kiza hi. A zingsang lam NLD te' bawlna hun sung zongah thugen hi-in Pyidaungsuh ni mah a cici khinsa ci hi.
Tua banah February 13,2013 ( 8:00Am- 11:00AM) hun sungin Mualmi party kipawlna (United Nationalities Alliance-UNA) makaite le Dr. David W. Yang (US Embassy) tawh Fuji Cafe ah kimuhkhopna kinei-in, ZCD party pan Pu Gin Kam Lian le Pu Zam Za Mungte zong tawh holimna neikhawm thei uh hi. A mau kimuhna tungtawn in Dr. David W. Yang in mai lamah ZCD party panin Zomi Khangnote US ah thusinna le mun thupi tuamtuam en kawikawi dingin US kumpi min tawh sapna ding cih lungdam huai thugen cih kiza ahih manin, ZCD maban khuavak semsem ta hi.
Source : ZCD Information & Tongsan Group mail
0 comments :
Post a Comment
Click to see the code!
To insert emoticon you must added at least one space before the code.