Kum 1496 in Italy gam pan in sumbawl Hieronimo De Santo Stepheno leh alawmte in Pegu ah om Kawlkumpipa tungah hawh uhhi. A taamsung in alawmte khat si in, "Biak inn kizang nawn lo sungah ka vui hi" ci in kiciam teh hi. Hih biak inn pen Armenia or Syria pan a hongzin Christian sumbawlte lam hi ding in ki up mawh hi. Tua hun in sumbawl Armenia leh Syria te Pegu ah tampi teng ngei uh a, thu um mi zong ahi uh hi. Tua hun in biak inn asia om khin zo hi.
1510 kum in Europe gam pan in Portuguese sumbawlte Kawlgam sung Mottama, Pegu, Bassein leh Beik ah hong tung uh hi. Tua hun in kikhopna nei uh a, sia zong nei zo uh hi. Tua siate pen Dominican pawlpi le Franciscan te hi deuh uh hi.
Kum 1545 pan 1552 sung Kawlgam azin Mendes Pinto min nei Portuguese sumbawlpa gen na ah Pegu khuami te in Singlamteh lim ok uh hi. Tua ahih man in hih khuamite Christian suak ngei maw, thu um mite tawh ki thuah kha ngei uh hiding hi ci hi.
Kumzalom 15 le 16 sungin Kawlgam ah Christian om khin zo hi cih ki gen thei khin hi. Tua ban ah Portugal gam Lisbon khuapi, Dominicante pawlpi tangthu bu sungah, Kawlgam Mottama khua ah Pasian na a semngei siampi Friar 6 leh tangval siangtho Brother 2 te min zong ki gel hi. Tua ahih man in tua hun lai in Kawlgam ah Pasian thu kigen zo hi cih tangthu om hi.
Kawlgam Pasian tangthu bu sungpan akila a hihi. A sim mimal Topa Pasian in thupha hongpia ta hen Amen.
Topa Tuu huangsungpan,
Sia Suan
0 comments :
Post a Comment
Click to see the code!
To insert emoticon you must added at least one space before the code.