1. Leitungbup Zomi Innkuan Kipawlna (LZI) a makaih dingin a kiteel Executive Council (EC) pawlin a masa pen thukikupna bawlin LZI maban ka kipanta uh hi cih thu hong theisak nuam in hih Thupulakna hong taangko ungh.
Thupulakna : LZI/Press/EC-01, May 20, 2010
A Thu : Leitungbup Zomi Innkuan Kipawlna Maban Kipanta
Zomi laizom u leh nau, nu leh pa, pi leh pute aw,
1. Leitungbup Zomi Innkuan Kipawlna (LZI) a makaih dingin a kiteel Executive Council (EC) pawlin a masa pen thukikupna bawlin LZI maban ka kipanta uh hi cih thu hong theisak nuam in hih Thupulakna hong taangko ungh.
2. 2010~2012 kum a’ding in a masa pen EC thukikupna pen May 8, 2010 (Saturday) ni, 9:00AM (US-CDT) hun in, Teleconference zangin lawhcing takin kibawlzo hi.
3. Thu kikupna sung ah EC panmunlen Makai (15) sung pan Maki (14) hong kah thei a, kizopna haksatna hangin Makai khat hong kah theilo hi.
Thukikupna akah teng
(1) Dr. Chin Do Kham : President (Camp – Salt Lake City, UT, USA)
(2) Pa Hang Khan Lian : Vice President 1 (Singapore)
(3) John Thang Sian Mung : Vice President 2 (London, UK)
(4) Pa Go Sawm Khup : General Secretary (Tulsa, OK, USA)
(5) Pa Do Khan Khup : Asst.General Secretary 1 (Elmhurst, NY, USA)
(6) Anthony Gin Khan Lian : Asst.General Secretary 2 (Frankfurt, Germany)
(7) Pa Pau Khan Khup : Treasurer (Singapore)
(8) Pa Vung Lian Mang : Assistant Treasurer 1 (Tulsa, OK, USA)
(9) Pa Khen Za Muan Thang : Assistant Treasurer 2 Esbjerg, Denmark
(10) Dr.H. Chin Khen Mang : Member (Tulsa, OK, USA)
(11) Pa Kipp Kho Lian : Member (Hamburg, Germany)
(12) Pa Gin Mang : Member (Calgary, Alberta, Canada)
(13) Rev. Zam King Mang : Member (Portland, OR, USA)
(14) Pa Disciple Kap Sian, : Member (Kuala Lumpur, Malaysia)
Thukikupna akah theilo teng
(15) Dr. Cing Pum Neam : Member (Philippines / Tedim, Chin State, Myanmar)
4. Thukikupna pen EC panmunlen Makai teng a khat veina holimna ahih manin kimeeltheihna leh ngaihsutna tuamtuam sunkhopna hun in kizang hi.
5. EC panmunlen Makai khatciat in LZI kipawlna leh LZI maban ding tawh kisai muh dan, ngaihsutna leh lunggulhnate kisungkhawm a, tua thusunte sung panin LZI maban (Agenda) ding limtak in geel a, akik thukikupna sung ah khat khit khat kikum a kalsuan dingin kikhensat hi.
6. LZI Thukhunpi sung a om bangin, anuai a LZI Ngimna Bulpite a lawhcin’ theihna dingin a kisam maban thupite limtak in geel in, LZI thahatna tungtawn in kikalsuan ding hi.
7. LZI Ngimna Bulpite anuai a bang ahi hi. Hih thute tungtawn in LZI maban ding kigeel ding hi.
(1) Zogam nusia in muntuam gamtuam ah a teng, tuipi galkaai Zomi-te in minam zia leh tong, leh ngeina hoih khempeuh kemcing in, leitung bei dong in minam kipkho khat in adin’ tawntung zawhna ding,
(2) Gam tuamtuam a om tuipi galkaai Zomi taangpi taangta buppi tawh kisai thu leh late kikumkhawm a, vaihawmkhop theihna ding,
(3) Zogam leh Zolei, leh Zomi-te’ nuntak zia a khantohna ding kikumkhawm in pan’khop theihna ding,
(4) Zomi minam buppi tawh kisai vaite, mun tuamtuam a om Zomi-te tawh kikumkhawm in vaihawmkhop theihna ding.
LZI maban kalsuanna khempeuh a hun zui-in hong taangko khiazel ding hi ungh.
Lungdam.
Executive Council
Leitungbup Zomi Innkuan Kipawlna
0 comments :
Post a Comment