Abeisa Laaisin Kum sung-in Zogam phelkhat ahi Chin State buppi-a saangnaupang danh 9 (Year 9) asinlaai Tg. Kham Hau Thang (apa-pen MCBC Pawlpi Makaaipipa Rev. Nengkhuavungh' tupa Pa Vunghsuanpau, Laaitui Khua, Tedim Khuapiseh)-in asaangpen siamna pahtawina hong-ngah ahihman-in naakpi angtanna leh lungdamna kong' phuangkhia-hi.
Ama' khuak ciimna atuamdang khat-ah, tua laaihuanna sung-a Multiple Choice ah dawnna 3 akipia lakpan-a teelding-pen "dawnna-maan omlo" ci-in saangsia Pu
Nang Do Kaam (Muizawl)' kiang-ah agen ciang-in Pu Kaam-in ciantak-in Tg. KHThang dongpha-a, tuaciang-in saangsiapipa' kiang-ah vagen-hi. Siapipa-in laaihuanna mawhpuaknei mite tuatsak pha-a, dawnna-maan nana omlo takpi ahihman-in Pyi-Nee Hmu pa (Kawlte) nangawn-in naakpi-in kipaakpihna pulaak-hi. Pahtawina Laaiphah thuahbelh-ah kahong guang-hi.
Hih Taangpaalno' khuak ciimna Zomite' Piangsakpa-in hong phungvuhsak henla, namdang tampite' lak-ah Zomi min atawisaang zo-to paisuak ding-in thupha hong piaksak tahen!
0 comments :
Post a Comment