Zogam sangmang Rev. J.H. Cope topa te nupa in Tedim mite' lakah Jesu Khrist lungdamna thu hong puak zawh kum 100 cinna pawipi( J.H.Cope Centennial Jubilee) pen November 20-28,2010 ni sung Tedim khuapi ah thupitak kibawl ding ahi hi. Tua Cope topa' kum 100 pawipi phawk tawntung na dingin Zomi National Congress (ZNC), zumpi, Yangon in Lailim (Sticker) etlawm mahmah khat bawl khia uh cih kiza hi.
Tua lailim (Sticker) bawl zia pen Zo ngeina Puandum leh puan laisan lim tawh bawl uh a, Cope topa te' nupa pahtawina leh pawpi sapna zong suaksak pah uh hi.
Lai lim (Sticker) akibawlna leh a deihna bulpite in hong tung ding 2010 Election ah Zomi min piang peuh mahin kithutuak takin Mee (Vote) khiat lohna ding tangkona cih thu kiza hi.Tua lai lim (Sticker) sungah lai kigelhte : Zomi in ka piang- I was born a Zomi ; Zomi in ka nungta - I live a Zomi ; Zomi in ka si ding - I shall die a Zomi ; Zomi ka it hi - I Love Zomi ; Zogam Pasian in thupha pia hen - May God Bless our Land cihte kigelh in Zomi vontawi lungsim khanglo sak mahmah hi. Sticker pen leitungbup a om Zomi khempeuh in tei khia( Print out) in mun khempeuh ah suan zihziah ding lungulhna om hi. Tua ahih manin Cope topa pawipi in Zomite sung minam itna lamah khanlawhna lianpi hong piang sak ding cih ngimna lianpi kinei ahi hi.
Source by - Zozum Groups
0 comments :
Post a Comment
Click to see the code!
To insert emoticon you must added at least one space before the code.