5 April ni Latpanchaung khua a, Sia U Hla Taung thugen zong na lawh cing mahmah ung. Tua thugen na mun ah mualbul khau 9 pan in hausa upa kigawm 200 kim ong pai uhi. Siapa thugen na pen mipite tha kingahmahmah in mipi nakpi takin ong khalum sak mahmah hi.Kawlpi panin Siamsinte 10 val ZYA mawtaw tawh nuam takin na pai ung. Sia U Hla Taung zat dingin mawtaw hoih khat zong Naythar phonggyi in ong kawm ahih manin kilungdam mahmah hi.
Nunga I gensa mah bangin Laihawm nihna zong copy 1500 val na hawm leuleu ung. Att file tawh zong kong khah a, hehpihna tawh a lem peuhpeuh in Zolai ahi zongin mikang lai ahi zongin nong letkhiat sakna dingun ong thum nuam ung. Asem abawl ding kicinlahna hangin kawllai bekin na suah zo pan ung.
Gullu vai partyte dinmun pulakna ( 26 March 2013 ) laibu ( record ) zong offset a kipuak thei ding hi ta hi. A4 laimai 24 pha a, tua ni a thu kigen khempeuh a neng a tawng in kikhum hi. Mailam ah khutlet ding laibu manpha khat ahi kha dingin lamen hang.
Gullu mual research paper ( Pu Ngaw Cin Pau’ laibu ) zong bawl kik ding na kipan ta ung.
Mai nipi sung Siamsin medical trip ah zong ahi thei bangin na kihel sawm ung. Tua ban ah mai sani ni le nipi ni ( 20-21 April ) In Zosuan Tuailai upa bulte Siamsinte le hih lampan ahi thei teng tawh Khawmpi vai ding kikup nawi-na, tavuan hawmna, le khawmpi hun sung tanu tapa sem ding akuama peuh khat le khat kikal ah kimai-ngapna, ki itna a om theihna ding lunggulhna tawh tua lai ah zong na kihel sawm pha mahmah ung.
Pu Hong Ngai ( Chief minister )’ makaihna tawh a kibawl ding Gullu vai kikup phatna ah zong Naypytaw le Hakha palai, khentatna ong pia thei ding company palai, mipi le mipil misiamte kimtakin kihel thei bek tham loin lungkim huai tak leh innkuan vaihawm takin I kal suan theihna dingin zong I hih theihna tek panin hanciam khawm leuleu dih ni.
Tu ciangciang I thungetna I thasannate I biak Pasian in ong guaksuak sak hehlo ahih manin I lungdam mahmah hi. Hih vai ading sum ngahna le zatnate zong ong khah khia leuleu ing. Kicinlahna tampi om ahih manin ka siamlohna te uh ong puah ong zuun un ci in ong thum nuam ing.
Sum ngahna
O/b 99,800 ks
1) GZA ( OKC, USA ) 701,250 ks ( 27 March)
2) ZIS le Mimal ( 3 ) 1,326,000 ks ( 3 April )
3) Tongsan 50,000 ks (29 march )
Gawm 2,177,050
Zatna
1) Party le mipi kimuh khopna ( 20-27 march ) 506,770 ks
2) Tedim khawmpi ( state gov, company, mipi,
Kimuh khopna pain a ( 31 / 3- 1/4 2013 ) 55,000 ks
3)Uliante le company te Zonuamzang le Dimzang
Khualzinna zuihna ( 2 April 2013 ) 69,000 ks
4) Latpanchuang khua ah Sia Hlah Tawung
Thugenna ( 5 April ) 83,600 ks
5) 26 March khawmpi record bawlna 38,450 ks
( tu ni ciangciang )
Gawm 752,820 ks
Ngahvekjpi 2,177,050 ks
Zatvekpi 752,820 ks
9 April ( c/b ) 1,424,230 ks
Liantuang
Kawlpi ( 09400511757 )
0 comments :
Post a Comment
Click to see the code!
To insert emoticon you must added at least one space before the code.