Tuibuah pawi sung sak le khang kikhen in na zin zelzul ung. Siamsin medical trip zong nakpi takin lawhcing cih zaI hih manin lungdam mahmah hang. Siamsin medical trip pen tu kum tawh a thum veina hi, tu ciangciang ci na lu na mi 3000 val tungah thupha kibawl khin hi
Lawm Thatuang gen na ah “ Tu tung khualzinna pen athu hileh a la hileh nakpi takin thangah huai hi. Kilawhcing hi. “ ci hi. Tua bek tham loin hih vai mahmah zong Kawlgam journal pi khat ahi The Public Image ah nasia takin ong suak lailai hi. Siamsinte ong ciah lam ciangin Tedim ah tam uh a, tu ni tak in U Cinpu ( Will Computer ) in ong tutpih in thu tampi na kikum thei uh hi. Tua lai ah Zosuan Tuailai kawmpi vai mahmah na kikum pen ung.
Lungsim tawldamna tampi ong piang
Tuibuah pawi sung Journal ( kawllai journalpi ) kibawl lo hi. Ahi zongin pawi khit journal hong kibawl kik ciangin Gullu vai mun tam simsim ah ong suak zeizai mawk hi. A lungkim huai daik khatah ulian lamte in alim sim mahmah ahi, The Public Image sungah kician takin ong suak buahbuah hi.Thulu nih tawh ong suak a, amasa pen ei tawh interview bawlna le anihna ah Company tawh interview bawlna hi.
Ei tawh interview na ah bel mipi le company kikal ah kumpi in kilawm takin ma ong pan theihleh a etteh huai, a lungdam huai, a en huai mahmah investment piang thei dinga, tua bang ahih kei lehbel a thusia pen a lipkhap huai pen dinmun kitung thei ding hi.cih dan in te pawl hi.
Company tawh interview na ah ‘ ko deih bang hileh bel, gelna omsa mah bangin tukum july mah in nasep kipan nuam ung. Ahi zongin thu tuamtuam hang tawh maban a kizom theilo suak hi. Cih dan te pawl hi.
Nung lehhei kikna
Tu kum bul lam Gullu mual vai mapan kipat hun laitak dinmun tawh tawm cilik en kak kik leng, kicing hi cihna ahih loh hangin ahi ciang khat ki lawhcing hi cih kimu thei hi. Kipat cil laitakin ngaihsut hak na sa mahmah ung. Bangci ciang kitung thei ding cih pen a kihtak huai ( vom le kang hi kawikawi thei ) mahmah hi. Mial bikbek hi. Lawphuai lua khollo hi.
Sep khiatna pen mihingte tavuan hi a, lawhcinna lawhsapna pen Pasian ong gelsakna bang hi ding hi . Sepna omlo pi in kilawhcing ngeilo ding hi. Thaneih zah in hanciam ni, tua nunga apiang bangbang tungah lungkim sawm ni . En I sep loh hang Pasian in a gelna om veve lel ding hi. Ei teng ong zang nuam hikha ding hi. ci in na diang phangphang ung.
Lamdang ka sak thu
Mapan kipat ni a, kipan nisim in cycle 4-5 bang tawh tai tam pi pi a kitai ziahziah hi mai hi. Kha thum sungin Gullu mual bul khuate ah vial 100 val kipai hi. Ahi zongin cycle / mi buai na nawngkaina tuak kha peuhmah lo hi ung. Hih pen lamdang sa mahmah ung. Pasian ong kepna hi ci in Pasian tung lungdam na ko ko ung.
Thu le la ah ong huh ong panpih ding sakpan khangpan ong om toto hi. Hih vai ah Kawlgam level ciang hilo in leitung level dongah thakhat thu in ong kalsuan pih ding mi ong om mawk hi. Zat ding sum le pai zong mun tuamtuam a om u le naute in nong vaihawm sak manun tu ni dong ciang kitama hetlo hi. Hih zong a lamdang sem khat hi sa ing.
Lungdam kohna
Hih bang thu teng I et kik ciangin mun tuamtuam a om u le neu a kua mapeuh in lungsim kikhat in ma I pan khop nate I biak Pasian in ong lungkim taktak hi ding hi cih kilang sa mahmah ing. I biak Pasian tungah lungdamna ko hang. U le nau akua ma ciat tungah zong lungdamna ong ko nuam ing.
Mailam ding
Mailam ah zong thu le la khempeuhah hih bangin kithu khat in ma I pan khop hialhial theih nakleh hamphatna cihtheihna nopsakna lawhcinna te in ong ngak gige hi. Zomi zogam thupha ngah leitang, thupha ngah minam ong kici taktak ding hi.
Tu laitak mabante
1) Gullu vai laihawm hawm 1 na pen copy 1500 , hawm nihna pen copy 2700 kihawm, khuakim le ulianpi kiang zong kimtakin kihawm thei, hawm 3 na kibawl nuam ta.
2) Video magazine pen Tedim , Zonuamzang, Dimzang khawmpite gawmbeh nuam I hih manin kiman thei nailo hi.
3) 26 March Party te le mipi kimu khopna khawmpi laibu zong puah kik ding pawlkhat a om hangin a sawt loin kiman ta ding.
4) Pu Ngaw Cin Pau’laibu zong kikhenkhen lai tak hi mai hi. ( atuamtuam tampi om khinkhian ci phot ni )
1) Gullu vai laihawm hawm 1 na pen copy 1500 , hawm nihna pen copy 2700 kihawm, khuakim le ulianpi kiang zong kimtakin kihawm thei, hawm 3 na kibawl nuam ta.
2) Video magazine pen Tedim , Zonuamzang, Dimzang khawmpite gawmbeh nuam I hih manin kiman thei nailo hi.
3) 26 March Party te le mipi kimu khopna khawmpi laibu zong puah kik ding pawlkhat a om hangin a sawt loin kiman ta ding.
4) Pu Ngaw Cin Pau’laibu zong kikhenkhen lai tak hi mai hi. ( atuamtuam tampi om khinkhian ci phot ni )
Liantuang
Kawlpi ( 09400511757 )
Kawlpi ( 09400511757 )
0 comments :
Post a Comment
Click to see the code!
To insert emoticon you must added at least one space before the code.