Zomi te'n Zateplai ih cih Kawlte' laihawmkhiat pen
- Kawl lai tawh kawlgam bupah kihawmkhia Myanma Tadinsa pen Zomi te'n " Zatep lai" cihsak ziau lel! Kawl te aheh uhsuak hilo dia, lai theilo atam nihna ah ongkoih pong hel uh hiven. Amau kawllai khong en Zatep lai nacihsak ziaulel Zomi te ih khauhpai dan! haha
- Karen gam Pha Ann kual tengah Laibu zuak in paingei ing, atamzaw in lai uk uha, laideihna atamzaw in neih uhhi, pilna deih uh hi. Khuaneu aa om Nupi papi in laideih na nei uhhi. Kawllai sangin Karen lai thupisak zaw te ahi uhhi.
- Karen Literature khauhpai mahmah cih kawlkumpi in atheih hi..ahi zongin Laitheilo tampen ci se uh hi.
- Zomi Literature pen khuahpai sa pian uh hilo dia? Zolai tawh laihawmkhiat khauhpai ongsa aa ong haza mahmah uh hilel inteh pawh..kawllai theilo anihna ah ongkoih pong uhhiven, Kawllai sangin Zolai thupisak zaw thamtham cihna kilang mahmah lel hi.
- Kawl kumpi in Zolai nangawn sin nading permit ongpiakloh uh khang kizom ta hi. Tua nangawn Kawllai sangin eima lai Zolai mah aci vinven te Zomi te ih hihi.
- India ah Mizoram in Literature khantoh nalam ah a 2nd na ah omngei uhhi, Kala pau atheilo atamzaw hilel uh hi. Zomi te'n eipau ei lai mah thupisak leng khatvei ciang kawlgam bup ah literature khangto penpen ah ih kihel zaw ding hi!
- Zomi te zongh ih lai thupisak zaw semsem ni, Zolai leh Manglai pen akibang hilel hi, Manglai (English) tawh laithei kanna ongneih uhciang Lentong Kamkhen pau leh Top 10 ah Zomi te om viuviau lel ding hihang!
Kawlgam ah (Literature Development) ongkikan hun om ding hi, Tua aa ding kiging khol ni! Zolai tawh laihawm hahkah ni, Zomi khempeuh in Zolai theilo in om sawm keini!, Gamdang tungsa khangthak tuailai ten Zolai sin tek un!
Tg Thang Kim Khai (khaipu)
Orlando, FL
Orlando, FL
0 comments :
Post a Comment
Click to see the code!
To insert emoticon you must added at least one space before the code.