Zolai Simbu Tan Lang pan Tan li ciang tukum sungin Zomi Nam website www.zominam.org sung panin sim ziahziah theina ding ki vai hawm hi.
Tu in tamsim khat ki zo khin hi.
Tawm khat A pan Z dong ih neu lai aa te sim pak leng...
A = Ak khuang ta thawh hun ta
B = Bi le lo gamlak po
C = Ci om lo sa lim lo
D = Dial khai khai limtak khai
E = Et lawm mual kuam Zogam nuam
F = Febuary 20 nih Zomi namni hi
G = Gam aa ding na sem ding
H = Ha nawt siang lup ding ciang
I = Inntual zaang lamsaaina
J = January theino si
K = Khuado pawi kum khen pawi
L = Lawm le gual lung ki hual
M = Mui tung mui pei ki peipei
N = Nai lap in saang kah in
O = O laimal bem velval
P = Pilna sin limtak sin
Q = Quinine kha nattunza
R = Radio nei thuthak thei
S = Sia peuh mah zahtak pah
T = Tedim pau eimau pau
U = Um le beel siang ding geel
V = Vaaimiim lum zuak le'ng sum
W = Wale ngasa nawi ne nga
X = X-ray natna thei
Y = Yake ki ci ngambawng hi
Z = Zomi te han lungciam khangto diam
Sang sia ten Sangtuak ding simin etloh sa in hong ci sak ziahziah aa, a tawpna penpen Z = Zomi te han lungciam khangto diamdiam ci tawh thaneih zah in ki awng gawp aa, innlam zuan in ki tai khengkhang hi.
Ka phawk mahmah hi.
Thawn Tuang
Zomi Angvaan
Tuang leh sanggam ngaihteng,
Laaimal gualhzia (awsuah: golhzia)-pen sil (noun) khat ahihleh kigawm ding-a, zialaak (verb) khat ahihleh kigawm dinghi. Lakpakding-in;
A = Akkhuang ta, thawhhun ta.
B = Bi leh lo, gamlak po. (awsuah- le ahihang-in kammal cingpen leh)
C = Ci omlo, sa limlo.
D = Dialkhai khai, limtak paai (Dolkung saang, gam singmaang)
E = Etlawm mualkuam, Zogam nuam (etlawm ~ beautiful., mualkuam ~ valley)
F = Febuary 20 ni, Zomi Nam Ni-hi.
G = Gam' ading, naseem ding. (ading ~ for, naseem ~ work)
H = Hanawt siang, lup dingciang.
I = Inntual zaa, laamsaaina.
J = January, theino si.
K = Khuado pawi, kumkhen pawi.
L = Lawmlehgual, lung kihual.
M = Muiitung, muiiphei kipeipei.
N = Nailap-in, saangkah in. (amasa [-in] conjunction, anunung [in] sawlna)
O = 'O' laaimal, beem belbal.
P = Pilna sin, limtak sinh. (Pilehpu, hua-ah tu.)
Q = Quinine kha, nattunza.
R = Radio nei, thuthak thei. (Russia Gam, khuadam gam).
S = Sia peuhmah, zahtaak pah.
T = Tedimpau, eima' pau. (Theipi um, Zotui khum; TB-za, cidamna).
U = Uumlehbeel, siangding geel. (uumlehbeel ~ utensil cihna, jar and pot cihna hipah saamlo)
V = Vaaimiim lum, zuakle'ng sum.
W = Whale-ngasa, nawine-nga. (Wah minam, I' sanggam; website-sim, thuthak kim., khantoh vaai zawdeuh).
X = X-ray, natna thei.
Y = Yack kici, gambawng hi. (Yack-pen ataktak-in Tumpaang kicizaw-hi: Yi-nan-kyaung, namgim piang: Yuan kici, Seen sum-hi. {khawng hileh khantoh vaai zawlaai cihna-hi})
Z = Zomite haanlungciam, khangto diam!
Lahpak ding-in, "Haan Lungciam" -pen "kammal nih" hilo-in "kammal khat" hi-a, "haanciam ~ try, strive" cihna lakam ahihi. Tua ahihman-in "haanlungcia" adikpen hongsuak-hi. Hihteng cipakni.
Zomi Pasian' Thupha!
Zokhai
***********************************************
T. Zokhai ITNA-IN GUABANG HINNA-HI
60 Narr-Maen Drive
Croydon Hills VIC 3136
Melbourne, AU
0 comments :
Post a Comment
Click to see the code!
To insert emoticon you must added at least one space before the code.