Tongsan innkuan in Gullu vai panpihna in 50,000 ks ( tul sawm nga ) ong pia hi.
Tua bek tham loin anih vei na ZIS te panpihna le atuamtuam kigawm in Ks. 1,326,000 zong tu ni na ngah thei ung.
U te naute aw hih sumte pen khua le tui ading, gam le minam a ding lunggulhna tawh ong piangkhia galhiam manpha mahmah khat in ngaihsun ing. Hih sumte pen ko lawmte teng nong piak uh hi lo a, Gam le lei kizuun, kipuah, kikepna dingin nong piak uh ahih manin nomau lunggulhna te I biak Pasain in ong thukim pih dinga ko zong tha-neih zah in ka na hanciam ding uh hi.
Khuahun luanzia tungtawn in maban kikhel zelzel hi. 26 khawmpi laibu le video te zong 70 % bang na zo ta ung. A sum ding ong om thei ahih manin mipi khut sungah a kitun zo ding ong suak hi. U le naute aw lungsim pumpi kigim kitawl simsim in lunglen khuangaih hun laitakin hih bang panpihna nong puak vanvan uh pen lungdam phadiak ung. Nong phawk teutau na uh leh nong thapiaikna ( piakkhiatna ) te hangin lungsim pumpi thahatna kha-lumna ka ngaih uh hi.
“kangmei bang sa ka sinlai zong thelnah diatui in vot sak e, sawl bang vulsa ka duang nem zong thelnah heisa tawh paal khawm e “ cih la te pawl na awaw kha zen ing ei.
Zogam leitang mahmah in zong “ ka mite in kei ong phawkkik ta uh hi. Kei tul in ka tek hangin amaute in ong puah ong zuun ong kem kik ding uh a, kei ka nosuak kik ta ding hi. Amaute in kei ong ngai lo hi zenzen lo uh hi. Kei lunglen bangin amaute zong lungleng khuangai lua uh hi. Ka mite cikciang mualah ong suak ciaiciai diam ci in ni sim ka gal etet hi. Ka ci k sa huai in, ka inn ka lo a tul hangin ka sunmangte ong tangtung dinga tua hun ciangin van gam malepna Zogam ong kici ding hi” a cici cing tawh kibang sa ing.
liantuang
kawlpi ( 09400511757 )
Nasepna maban
Tu ni ( 5 April 2013 ) ni in zong Letpanchuang khua ah kim le pam kepciangna tawh kisai kawlgam mi minthang Sia Hla Tawng in thugenna le Gullu vai nasem pawlte workshop ong neih pih ding hi. Ataktak in hih vai zong” kisam lua hi “ cih na bek tawh bangmah omlo pi mah in a kigel ahi hi. Tu in ong a taksuakzo ding ong hi pah leulelu hi. 1:00- 2 : 00 pm sung Gullu vai mah tuamtuam le suang tuamtuam lahna kinei dinga, tua khit ciangin nai 2 : 00 – 4 : 00 pm sung kimuh khopna kinei ding hi.
0 comments :
Post a Comment
Click to see the code!
To insert emoticon you must added at least one space before the code.