2nd April 2013: Kam Hau Hall ( Tedim ) 8 : 00-11:00 am sunga kibawl Gullu mual nickel project vai State gov makaihna ahi khawmpi ah na kihel thei ung.
Hih vai ding kikum khol dingin zani (31 march ) ni in Zamthuam, Cinpi, Suutpi te tawh Tedim na tai to ung. Tedim khangnote vaihawmna tawh TBA zum ah gullu vai mah meeting nasam uh khol uh a, tua lai ah lunggulhna deihna/ deihlohna te nasia takin kikum ciatciat hi mai hi.5 : 00 pm in hun kiman a, azanzan in maban ding kihawm pah zangzang a zankim dong mah ko tum taktek un na manlah mahmah ung.
Wuangychok U Hong Ngai, le wungy 3 ong kihel thei hi. A masa in wuangyi pan thugen na ong nei masa hi.
Tua khit ciangin Gullu to ding company ( North Mining Investment )te amau nasep sawmziate mabante pulakna ong nei hi.
Tua khit ciangin mipi lampan dotnop bangbang dotna ong pia a, mipi lampan in zong suakta takin kidong ziahziah mai hi.Dotna te zong nasia thei mahmah a, atam zaw pen dawn hak sa zaw hi. Dotna 40 val apha laidal khat ka na bawl uh a, tuate mipi tungah kihawm khia pah hi.
Thupaizia tawh kizui in wuangyichoke pa in “ Tua bang ahih leh hih vai pen khat vei kikup phat mahmah kul ding. Tua hun ciangin mipi palai,naypitaw le state gov palai,compay, apualam pan mipilmisiam pawl kim takin kimuh khop ding kisam hi. Ahun ding ken ong zasak kik ning” cih ciang ong paipih to lenlen hi.
Hih pen tu laitak dinmun adingin a hoih penpen mah hi kha ding hi. Abeisa hi leh mipi theihma in na khempeuh a man khin hi den hi. Gullu zong tua bangdanin a man siangsa ahih hangin tu in a thu ong nung kik thei suak photphot hi.
Tu tung kimuh khopna pen na nopcit mahmah hi ci in khuanu khuapa te in gen hi. Sia Thangpi “ Tu ni Tedim mite I vang a khan ni hi” ci ngeungeu hi. Company te in mipi ong hopihna ong kikhel to zetzet mai a, hun man kuan ciangin no Zomite mipil tamtam mahmah hi uh teh, pu Ngaw Cin Pau bang ka sai taktak hi, cih ong tun to kik zezen hi. ( hun lem ciang thu kigente khah kik ni )
Alungdam huai mahmah thu lakah hih Gullu vai ah khangno upa numei pasal kithuhual mahmah hi. Tua ban ah Gullu vai leh , gam le lei vai ah mipi lungsim nak lut tuam mahmah hi.
Zingciang in mualbul khuate ah uliante le companyte pai ding ahih manin ko zong nitaklam 5:00pm ciangin kawlpi na suk tai leuleu ung. Zingciang 10:00 am in onuamzang khuaah company le mipi kimuh khopna ah om theih sawm hamtang ung. Zonuamzang khit ciangin Dimzang ah bawl leuleu ding uh hi.
Gullu vai pen tutadih in ahun a kisot to suak a, kal masa a kilawhcing cih theih hi ta hi. Hih pen minam kitawi sangna, I leitang kitawi sangna taktak hi a, akua maciat in ma I pan khopna pen guak suak hethet lo hi cih kithei sak nuam hang.
Tu ni khawmpi tungtawn in zong mipi le uliante kikal kitelsiamna tampi ong khang sak mahmah hi zong kihawm sawn nuam lai hang.
Liantuang
Kawlpi ( 09400511757)
0 comments :
Post a Comment
Click to see the code!
To insert emoticon you must added at least one space before the code.