1. Ei pilna in sem theilo a hih leh m ipilna zangin sem ding?
Mi pilna zangin kisem thei lua hi.
2. Ahih hang mi pilna a kicing i ngah teh ei pilna tawh semkhia kik ding.
Tua banga i septheih nadingin Agreement ah Zomite kihela thukimna neih kisam dinghi.
3. Ei sungpan pil leh siam a kicite'n Gullu to ni in nasep kipan ni a ci ki-om lo hi.
Om lo mah hi. Tua cih thadah a beisa hunte ah Kumpi thu lo-in khuasung phattuam nading private or khuasung mi hanciamna tawh bawl ding nangawn Sibin in a phal lohna om mawk hi. To ni a ci om-in kipan mah leh zong gilbem lam a zuat namel!
4. Tua ahih man in Ei sung pilna siamna neite a panpih ding eite gampua ah sila kisuak hi cihi.
Gullu to ni a kicih loh man-a ei sung pilna siamna neite a panpih ding eite gampua ah sila kisuak hi lo-a, ki-ukna hoih lo manin gampua a kizuan hi zaw hi.
5 Tuitanglo thuk cici hang a, Eigam ah nasep hoih ompipi apil asiam masasa in amite makaih in hongsep pihlo ahi hiam? Banghang hiam?
Hong seppih lo mah hi. Seppih theih nading thuneihna Zomite in nei lo hi.
6. Eite pilna siamna tawh kisem theilo veve pen asemnuam gamdang mi te sammengmeng semsak mengmeng eite tawh ma pankhop theihna van mengmeng kisam hilo hiam?
A mengmenga sep ding a kisapna leh kisap lohna om ding hi. Gentehna-in Norway te US te khawng in amau gamsunga leisung sumpiangte bang hangin to gai pahpah lo hiam? A leitang mahmah in siatna ziinliing, khuahun sia leh a tuamtuam banah koihcing hoih a sak zawknate uh zong ngaihsut huai hi. A sem ding i sam mengmeng phial ta zongin UNDRIP in a geel thukhunte tawh a kisem hiam cih pen i rule ding hizaw ding hi. I neihsa pen 2% bek ngah ding cih pen 98 % te pammaih sak theih huai hi. Tu a Sen company te in a sep dan ding uh a lauhuai loh zia hong gen dan-in sem kei leh a thukhen ding Third Party om nai lo hi. Ei sung pan tu-a company- te tawh sak ding a utte pen, Inn papi khat in ama mimal phattuam nadingin midang khat kiangah ka huan vua tangmai sum Ks. ?(tawmcik) tawh ka innkuanpihte' kiangah va lei/nget bawl ni cih ciang tawh kibang phot hi.
7. Amun aphual aomte paulaplap hang in a thugen bei mawh hilel a, Kawlpi ,Mandaly, Yangon, leh gampua tuamtuam eite kitai khia ta hi. Atai khiate aphual ah Gullu ah' ateeng nuam kua om ihhi hiam?
Gullu ah a teeng nuam zong om lo thei ding hi. A mun a phual-te' thukimna thukim lohna cih tak ciangin a gam nei-te genna a hi zaw dingin ka seh hi. Zomite bel i pu i pa khang pan lonona lamlamah a kipeem kawikawi hi hang kici thei hi. Zogam leitang hauhna a ne kha ding hi lehang ZOgam mah ah tampi kiciahkik ding hi cih ka um hi.
8. Kampau maplap ding aut khempeuh Gullu kim ah kiteng thei ding hi nasem ding in. Ngaihsut lakna ahi maw..ltw
Nasem ding nangawnin a kiteng thei lo-a hong kibawlkhak ding dah huai dinmun ah om ka kisa hi.
Genbehna
Gullu tawh kisai pen a dahhuai thu tampi om hi. Tulaitak Kawlgam ah gentheih haksatna a kiam nading cih lamsang pen i gam in masuanpi khata a neih a hi hi.
Khantohna ding ci-in Tin Win Htun Company in Sozang khua pan Kawl Zozang khua dong mawtaw lampi a mawkna-in hong tawhsaka zo dekta phial uh hi. A hizongin Dolluang gam kiima Uiphuk suangte a mawkna-in nisim mawtawpi nih ta bang a nawnnawn uh a hi hi. Tua-te pen a manpha mahmah suangte a hih lam a thei tampi ki-om hi. A tuunglai in pua lel uh hi. Tun bel khuavak lai sangin khuazin hun teh pua uha suangte a kidawk loh nadingin sawl khuh thuah uh hi. Gen ding a pammaih tampi om... Mawtaw lam tawhna bei zah a ngah uh teh hong khawlbawl uh leh maw!!!!
Tuizangte mi 7 in nidang lai diak-in gullui to dingin pai uh hi. Va to uh-a suang-eng tampi leisungah mu uh hi. Leitung lamah a lakkhiat uh teh a suang-eng meel kikhel zel hi. Hih pen a suang a ngeek lai hiam? a keem dawite mitphial hiam? hiding ci-in gen uh hi. A ciah uh teh lampi ah a lawmpa khat uh suang suikha-in tuuk pahpah hi ci hi. Inn a tun uh teh a sawt lo-in tua a lawmpa uh si hi. A sihma diakin lawmte aw no va pai kik teitei un cih kam vaikhak man, ci uh hi. A lawmte zong va paikik uha a leitang a upmawhna mun uh khat a toh uh leh suangsan hoih mahmah khat mu uh hi. Tua pen nitaang ah a etkhiat uh teh hoihlua ci uh hi. Nidanga Custom-te in a thahpa uh suangbawlpa a lah uh leh RTC mawtaw nih leh bang zah hiam khat tawh lei dingin genpih hi. Amau pen Mawtaw nih sang tam man zaw hi ding hi ci-in um uh a phal lo uh hi. RTC mawtaw khat tek bang nei zo dingin kilamen uh hi.
Tua tak ciangin India lamah zuak to dingin palai paisak uh hi. Tua a palai paisak pa un hong kikhem ci-in hong guakciah ci hi. Tua a commission paisakpa uh bel tu nai dong hau lua tuan lo a hih teh a kikhem mah hi ding hi. ci uh hi.
Gullu ah Nicle leh siik nam tawmtawm bek om hi ci-a tu a company te thugen pen mipi in ki-um zo lo hi.
Andrew Tuang, Sia Tha Tuang in a gen mah bangin Alu lei limbawl mahmah lampi geiah mawtaw puak dingin nawn, tua pen khantohna khat hi.
Tun Zawngtah gahhoih kung neite in a gei pan tukum kungkhat-a a gah teng Ks. tul 100 + ? ciziau thei. Zomite lokhawh singpuak kivakna cihte kikhangto zaw.
Gullu vai leuleu i huana hauhna om pen midang khat in la ziau dingin ei a neite a la dinga zong hong zo thacial beek lo ding hilai a cih pen dik ka sa hi.
Tu-ma kum thum lai sang, tu kum in innmun logamte tam man zaw tham hi. Koihcing zo semsem lehang tam man tetek ding hi, cih a thei lo kuamah om lo hi. Kawlgam zong khantohna manawh semsem hi-a khangto semsem leh leitang leh leisung sumpiang in tam hong man semsem zaw ding hi. Leitang pung thei lo hi.
Nidanga i theih ma-a bangmah man lo i sakkhak keenkawm suangkawm Zogam pen tu-in Company te leh i kumpi in i Zogam manphatna hong phawksak a hih manin a tung uh ah i lung dam mahmah hi.
Cinpu
0 comments :
Post a Comment
Click to see the code!
To insert emoticon you must added at least one space before the code.