Hih set-zone pi a kipei theihna ding in, meitha kisam ahih man in, tua aa ding in, Megawatt 30 a ngah ding suangmeihol tawh meitha laak ding zongh geelna nei uhhi. Tua meitha lak pan megawatt 25 pen set-zone aa ding in zangh ding in, a val megawatt 5 pen, mipi aa ding in, mawk hawm ding ci hi.
Hih kipan zo leh, ni khat in cement (bi-lat-mi) gikna tan tul 2 ngah khia zo ding ci hi. Tua sung pan 20% pen India ah puak ding cih deihna nei uh ahihi. Hih vai in, kiim leh paam nawngkai saklohna leh huihnit sak lohna ding zongh ngaihsun ding uh ci in gen hi. Tua baan ah, Gunkhawm tungsiah, Chin state a kihel in noptuam na tampi ngah thei ding uhhi ci in zongh gen hi.
