U Thein Sein in President hong sep zawh kawlgam khuahekzia a encik pawlkhatte muhna ah kawlgam pen Liberal Democracy ngahna lampi ah kalsuan khia taktak hiin lamen napi Kachin singnuaimite tawh hong kikap zelzel uh ciangin muanmawhna ciang khat om lai sa uh hi. Tuabek zong hi lo in U Thein Sein in hih hun sunga galkap kumpi a paipihdan leh a ukzia in mipite lungmuang sak zo taktak lo hileh kilawm hi. Gamdang pana Kawlgam Polotics hekzia akan pawlkhatte genna panin U Thein Sein in Galkap kumpi langpan a Democracy lam a manawhna ah gamdang kumpite panpihna kisam pha mahmah sa uh hi.
Genzia tungtawn in Kachinte humcipna khawl ta ding cih thukimna May 2013 in Myitkyina ah kibawl khin hinapi tuni ciang dong akikhawl nai lohna pen u Thein Sein mawh kipua sak lo a, galkap kumpi tungah zong mawh kisuan tuan lo hi. bang hang hiam cileh hih thukimna pen " Galkap kumpi leh kachinte kikal ah kihuatna a kiamna ding leh gam ukzia tawh kisaiin thu kikupna nei ding " cih bek hipan a, a mun leh a hun ding kipsakna om nai lo hi ci hi.
Kum tampi sung a kinono khinsa Kachin leh Galkap kumpi kikal pen January 2013 sungin hong sosang mahmah a, galvan hoih pente tawh leilam pan bek hilo vanlam pan nalengin zong na kikap mawk uh hi. Hibanga galkapte gamtatna in ngeina tawh akilehbulh thu khat ahihman in U Thein Sein in Democracy lampi a zui hi ta ung acih thu tu in gamdangte'n um ngam muang ngam taktak nawn lo hi.
U Thein Sein icih pen kua himawk hiam? U Thein Sein hiciang dinmun hong tun theihna pen SPDC te huhna hang hi a, SPDC icihpen Kawlgam Galkap kumpite min khat hilel hi. SPDC in 1988 in kumpi hong ngah hi. U Thein Sein in SPDC sungah Secretary tawl khat asep khit ciangin Kawlgam bup President hong ngah hipan hi.Tua ahihman in U Thein Sein pen Galkap kumpi sungah ana tualtel mahmah cihna a hihi. Tuaciang in U Thein sein pen SPDC in a tuamtel ngiat ahih banah amuan mahmah uh hi a, tungsiahte thu khatvei zong anial ngei lo kaht ahihi. Galkap atum sungin ama thu tawh bangmah sepkhait nei lo bek hi lo, gam suahtakna ding tawh kisai geelna anei ngei ngiat lo pa hilailai hi. Galvan vai tawh North Korea leh Kawlgam tawh kizopna ah U Thein sein Kawlgam galkap kumpi aa ding thuhoih leh phatna tampi zong na gen ngei khin a, kizopna akip theihna ding a vaihawmpi khat ahihi. Hih ama nasepna ahangin Kawlgam galkap kumpi in tuni ciang North Korea tawh akizopna uh ciltui kaai liangin gen lai uhhi. Hihte pen U Thein Sein in galkap kumpi sungah President a sep lai a thumanna tawh asep khiat te ahihi.
Tua ahihman in thusim pen U Thein Sein kumpi leh Galkap kumpi kizopna tuni dongin Kawlgam sungah kip lai hi. Kawlmi sumbawl mihau khat in U thei sein tawh kimuhna aneih khit ciangin hibangin gen hi, " U Thein Sein pen nidang mah bangin a thumang mahmah khat hilai a, gen ding akicite bek gen in, sem ding a kisawlte bek a semmi khat hilai hi...." ci ziau hi.
Source: .....http://www.foreignpolicy.com/articles/2013/07/09/the_militarys_still_in_charge
Zomi u leh nau thei ding deihsak na tawh
Francis Lam Thang in Mikang lai pan Zolai ah hong teikhiat hi.
Genzia tungtawn in Kachinte humcipna khawl ta ding cih thukimna May 2013 in Myitkyina ah kibawl khin hinapi tuni ciang dong akikhawl nai lohna pen u Thein Sein mawh kipua sak lo a, galkap kumpi tungah zong mawh kisuan tuan lo hi. bang hang hiam cileh hih thukimna pen " Galkap kumpi leh kachinte kikal ah kihuatna a kiamna ding leh gam ukzia tawh kisaiin thu kikupna nei ding " cih bek hipan a, a mun leh a hun ding kipsakna om nai lo hi ci hi.
Kum tampi sung a kinono khinsa Kachin leh Galkap kumpi kikal pen January 2013 sungin hong sosang mahmah a, galvan hoih pente tawh leilam pan bek hilo vanlam pan nalengin zong na kikap mawk uh hi. Hibanga galkapte gamtatna in ngeina tawh akilehbulh thu khat ahihman in U Thein Sein in Democracy lampi a zui hi ta ung acih thu tu in gamdangte'n um ngam muang ngam taktak nawn lo hi.
U Thein Sein icih pen kua himawk hiam? U Thein Sein hiciang dinmun hong tun theihna pen SPDC te huhna hang hi a, SPDC icihpen Kawlgam Galkap kumpite min khat hilel hi. SPDC in 1988 in kumpi hong ngah hi. U Thein Sein in SPDC sungah Secretary tawl khat asep khit ciangin Kawlgam bup President hong ngah hipan hi.Tua ahihman in U Thein Sein pen Galkap kumpi sungah ana tualtel mahmah cihna a hihi. Tuaciang in U Thein sein pen SPDC in a tuamtel ngiat ahih banah amuan mahmah uh hi a, tungsiahte thu khatvei zong anial ngei lo kaht ahihi. Galkap atum sungin ama thu tawh bangmah sepkhait nei lo bek hi lo, gam suahtakna ding tawh kisai geelna anei ngei ngiat lo pa hilailai hi. Galvan vai tawh North Korea leh Kawlgam tawh kizopna ah U Thein sein Kawlgam galkap kumpi aa ding thuhoih leh phatna tampi zong na gen ngei khin a, kizopna akip theihna ding a vaihawmpi khat ahihi. Hih ama nasepna ahangin Kawlgam galkap kumpi in tuni ciang North Korea tawh akizopna uh ciltui kaai liangin gen lai uhhi. Hihte pen U Thein Sein in galkap kumpi sungah President a sep lai a thumanna tawh asep khiat te ahihi.
Tua ahihman in thusim pen U Thein Sein kumpi leh Galkap kumpi kizopna tuni dongin Kawlgam sungah kip lai hi. Kawlmi sumbawl mihau khat in U thei sein tawh kimuhna aneih khit ciangin hibangin gen hi, " U Thein Sein pen nidang mah bangin a thumang mahmah khat hilai a, gen ding akicite bek gen in, sem ding a kisawlte bek a semmi khat hilai hi...." ci ziau hi.
Source: .....http://www.foreignpolicy.com/
Zomi u leh nau thei ding deihsak na tawh
Francis Lam Thang in Mikang lai pan Zolai ah hong teikhiat hi.
