sum pen,
a mawkna in deih ken la,
a mawkna in zongh zangh kei in.
sum na hauh baih tuam na ding hi kha ding hi.
baihno tak, ol ziau tak in ngah ding ngaihsut in nei kei inla,
baihno tak, ol ziau tak in zat ding zongh ngaihsut in nei kei in.
hau pak in, a zawng kik dan nam hilo in, sau vei sum nei zaw kha ding hi teh.
tengh tul nei in, kum khat man loh sang'
teng za nei in, kum khat man ding pen hoih zaw hi.
hih pen, sum zat, sum zeek siam ding a thupit lam gen nopna hi.
sum hauhna pen,
tawm lut tam lut, tawm sang, tam sang cih tung ah, ki nga masa lo zaw in,
tawm khol tam khol, tawm zangh tam zangh cih tung ah, ki nga masa zaw hi.
sum na hauh nop takpi aa leh
sum khol kipan inla, zongh sawtpi khol zawh sawm takpi pah in.
sum khol khol sa khat na hih leh
na khol ngeina zah sang' a tamzaw na khol zawh nang in,
khasim in, or kaalsim in, tawmta behlap thuah lai in.
a tawm a tam ci lo in, sum khol ki pan phawtphawt le cin,
na khol kawmkawm mah in, a thupitna leh, sum khol pen,
a nop mahmah khat ahih lam phawk to kawmkawm ding hi teh.
van hoih, na minthang cih te lim awlmawh lua kei in,
brands crazy nam na hih aa leh zongh, ahoih bek khop khat na neih khit ciang
a sum ngiat mah in kep ding thupi sak zaw in
nek leh dawn lian ciang bel,
a lim theithei neek ding mah thupi veve hi.
gtn. khedap hoih, mobile hoih, sawtvei kimang lo ding- a paw pak na te, adz...
IT van peuhmah, a thak ong om sim, lei sawm pahpah kei in
tua zawh kum khat ciang, a man, tampi tak kiam in, a van lah a kibang veve hi.
model out tuan pah nai sam lo hi.
a thak ong ki bawl tung, in lei le cin zongh,
tua zawh kum khat ciang, tua mah zangh lai kha veve ding hi teh.
IT van pen, a khantoh zia manlang mahmah in,
a thakthak pen ong om toto lel ding hi.
a hoih zaw pen ong tam semsem lel ding ahih man in,
a sum ngiat in kem masa khol khinkhian peuh le teh,
na deihdeih na ah zangh kawikawi thei zaw ding hi teh.
IT van na lei sa khat, 80% in khot kik ding hamsa hi.
upna tawh nuntak ding pen thupi mah in,
budget tawh om ding zongh hoih veve hi.
bugdet pen, hun tom aa ding, hun sau aa ding
nam 2 in khen inla, bawl in
tua hi leh, na sum zat teng pan,
bang te khiam aa, kum khat in bang zah khol zo beh ding cih
mukhia thei pah ding hi teh.
gtn. phone bill, mei/ tui bill, a pua ah an neekna, khua sung vaakna, adz...
Laisiangtho sung hita leh, tuhun mahmah ah hi ta leh
sum hang in,
lawm ki ngai tampi ki khen lawh bek tham lo in
nupa kal, inn sung, tanau bang kua sung na ngawn
buaina a om na,
sum hang in,
ki thatna, ki khasiatna, mat leh hen thuakna cih dan,
a tuamtuam te ong piang ahih lam zongh phawk den in.
sum pen,
a zangh khia te, a hau bang dan aa kimu bek hi in
tua pen, thupi masa lo aa,
sumhau taktak i hih ding thupi masa zaw hi.
