Mizoram a Zomite’ kipawlna pawlkhat:
1. Mizoram Paite Organization (MPO) : Kum 1980 kiim panin Mizorama Paite a kici ten MPO tungtawn in minam adingin ma na sial uh hi.
2. Paite National Council(PNC): Kum 1991 pan in PNC min tawh nam adingin panlak hi kik hi. PNC tup leh ngiim pen Zosuante gamkhat vaihawmna nuaia omkhawm ding leh Mizoram Paite nam adingin Autonomous District Council (ADC) bawl ding ahi hi. President masa H. Zathuam hi in amah PNC party tawh MLA a cing masa pen zong ahi hi.
3. Paite Tribe Council (PTC): Manipur lama unaute tawh akibang thei dingin PNC pen PTC tawh kikhek hi.
4. Siamsin Pawlpi(SSPP): Hih pen paite nam student organization ahi hi. Lamka General Head quarter hiin tua nuaiah Aizawl headquarter khat hi sawn hi.
5. Mizoram Paite Cultural Society (MPCS): I nam ngeinate a man loh nangin a kemcing dingin hih kipawlna kiphuan hi.
6. Zomi Students Federation (ZSF): Zomi min a deih zaw deuhte kipawlna hi.
7. Zomi Innkuan: Hih pen zomi khualzin haksatbuaina tuak a cimawhte a huh ding kipawlna ahi hi.
8. Evangelical Baptist Convention(EBC): Paite pau tawh Pasian biakna pawlpi ahi hi.
9. Zomi Baptist Church(ZBC): Tedim pau tawh Pasian biakna pawlpi hi.
10. Assembly of God(AG): Tedim kam tawh Pasian biakna pawlpi hi.
Hih tenglo adang tampi om lai ding aa, a ki thei kha leh ong ki theihpih phadiak teng ahihi. Behlap ding leh puahding a om leh zongh, ki hilh ciat ni.
Lungdam
src: Thangpi Naulak
