Washington DC pan ahi zongin Australia pan ahi zongin gullu vai mipi lungphonate nasia takin kinei a Zomi Zogam i thu I late leitung laizangah kithawnin thang vangvang hi. Asawt loin India lam pan zong a gin ngaih mahmah mipi aw te kiza la ding cih kiza hi. Hih bangin leitung kiu li a om Zomi khempeuh kilungtuakin lawngkhat bangin i luan theihmanin mipite ki-angtang mahmah a,ong makaite tungah zong mipite nakpi takin kilungdam in ki khamuang tuam hanhan hi.
Gamsung gampuaah gam le minam ading mapanna hanciamna, , thasanna, kisatsuahna kipumkhatna le khanlawhna lianpi ong kipan hi cih mu thei I hih manin genzawh lohin lungdam hang. Hih bangta in I pai lehbel Zomi Zogam mailam ding pen khuavak bangin tang pempam hi mai hi. Lawp huai mahmah hi. Lungkim huai mahmah hi.
Hih lam pan mapanna pawlkhat
Nung nipi ni ( 30 june ) 14:00-16:00 pm in ZYA zum ah Meeting gina mahmah khat na nei ung. Vai tuamtuam tawh kawlpi ong zin U Hla Taung le a lawmte in Zomi kipawlna tuamtuamte tawh kihoin Zomi sungah nasepzia ding kikum ni cih ahi hi. U Hla Taung pen Paung-Ku ( Save the children, GERT,CARE, Alliance, Ecodev,... NGO 12 kigawm )ah Director khat ahi hi. Hih kimuh khopna ah Gamdang mi khat le Kachinte khat ong ton pih hi.
Hih meeting ah Pu Kamlian ( Gs, ZCD ) zong ong kihel thei hi. Guah zu in khuahun nuam mello ahih hangin mi 20 val ki om thei hi. Tua lai ah minam ading lunggulhna le ngaihsutna thu tampi kikum thei ung.
Gullu vai thugenna
2-4 July sungteng kawlpi ah Myanma Green Network te vaihawmna tawh kim le pam kepzia tawh kisai kamkupna le thusinna kinei hi. Tua hun sungah Gullu vai mapanzia le nasepziate ninute 45 sung thu sunna na nei thei ing. Nitak ciangin zong Tedim khawmpi ( 17 may ) le nasepna video tuamtuamte zong na lak thei ing.
Yagon khawmpi
6-8 July sung zong gamh le go tawh kisai kawlgam bup khawmpi ( Vanishing Treasure of Myanma )Zangkong khuapi Tai 9 Shan phonggy sangah nasia takin kibawl ding hi. Tua hun sungah zong eite tangin lawm Thatuang in gullu vai thusunna khat ong nei thei ding ahih manin I lungdam khol mahmah hi.
Lamet loh thu
Hih bangteng kawmkal panin mipi deihlam ahi lo hemlam thukhat State gov lam pan kihemzak hi. Gullu tawh ding pen mipi in deih napi thusia deih mi pawlkhat’holhtawhna hangin thu nawngkai hi lel hi cih thukhat siksan in company le thuneilamte in kalkhat ong suantoh sawm cih thu kiza hi. Tua thu hangin mualbul khuate ah mipi lungsim taktak laakna khat mee ( referendum ) amanlang theithei in bawl dingin na gel ung. Hih pen thukin khat ong hi vat a, khua bangzah la ding cihte pawl a kipan sepzia bawlzia dingte kikup san laitak ahi hi. Ahun ding bel amanlang theithei lunggulh hi hang.
Liantuang
Kawllpi ( 09400511757 )
