Zomi i kicih ding leh, bangci dan aa a kikalsuan sawm ahia?
Hihnop leh deih, ngahnop bel nei (vision om), tua te koi ci ngah ding?
 |
| Facebook ah kuppihna te kisim thei hi. |
Koi lam manawh aa, Action la ding?
ZBC kikhen khap ma pekpek pekpek pekpek in, i makai te in, Chin sung ki
lamzia na tel lua uh ahih man in, ZCLS bang Zomi min tawh Zomi min veve
(ZBC) pan, kamphen kulloh teng na dingkhia uhhi. Tua lo adang gen ding
tampi om.
Tu tawmtawm aa Zomi cih tawh vision kinei pan hilo in, Action kila panpan ding hilo hi.
Action laak ding sung ah, a kisawmsawm pen,
1. Zomi in ciaptehna ngah na ding i cihcih laitak 2014 April kha ciang
census kila ding ci ahih man in, i lam etna sang' Zomi ci in ciaptehna i
ngah theih ding Pasian in ong geelsak baihzaw cih ding hilai aa, a Min i
phat hi.
2. Nung lam aa kihanciam, Tedim district pen action
nam khat hi in, pawlkhat te hang in, (ei leh ei zongh i hihna mel),
Capital hisa khat Haka in ong ngah zaw mawk hi. (amau a ngen masa cih
zongh hisam in, unau khat na cihcih te un, ankhin zongh ong pianuam lo
in, Capital zom ah district ong hawm zo ding in itna nei takpi zolo
uhhi.)
Sanggam Sizang te in, Thuklai ah Town angah un, Tonzang pen
,khua gamla zaw in, tua lam ah Town om ding kilawm zaw hi ci in, hawm
phei uh aa Haka te lungsim tawh kibang vetvet lo hi.
3. Tedim in district ngah leh, tu laitak aa ZRDP map teng huam khak ding a ki ngaihsun hi.
4. Tedim district teng (ZRDP) map teng, Zomi Self-Administration Zone
cih tawh phuto zo hi lai le hang, mailam ah, vote tuamtuam hi ta leh
budget tuamtuam te pen, innkuan khat sahawm in hawm diamdiam thei ding
hi hang.
5. Zatang pau leh sanginn ah Zolai sin ding, kua aa sin ding cih tawh kibuai lo ding hi.
(Tun) Chin state ah ei aa tek sin ding cih ciang bek tawh ki ngah lo
kha ding aa, extra subject khat, Chin state sung pan, adang khat peuhmah
zongh sin thuah ding cih pen, good idea mahmah khat hi in, Zomi in
ciaptehna ngah le hang, tua pen ei buai pih kullo ding hi.
6. Ei zongh Chin kici in, Chin state bup, a khalkha falam te zongh va uk zo lai leng hoihzaw lai lo ding maw?
- Hoih lo ding hi. Hoih vet lo kha ding hi. Ei khang ah i hat leh en uk
in, a mau khang ah, a mau ong hat leh a mau uk cih ong hi dingin,
colonisation lungsim, uknopna leh tungtuang nopna lungsim i paihkhiat
ding kisam hi.
- Ei aa tek in ei om in, kizop theihna, kibatna te ah
pangkhawm aa sepkhop ding a hoih penpen ahihi. Mailam saupi khualna
hizaw kha dinghi.
- Uknopna lungsim, monopolize nopna lungtang pen
ahoihlo in kiciamteh hi. Nang ong ki uk ding na ut loh mah bang in, nang
zongh mi uk nuam dah lel in.
Hihbang dan kikal nengneng ah,
thu tampi om lai ding in, action tuamtuam laak ding akisam tampi om
dinghi. Thupi ahih man in abaih pak dinghilo hi cih theihsa hi. Hihbang
dan ding mah in, a ki gingging sa i makai te tampi om hi.
Chin
min tawh ong ki thei sa cihcih pen, khial mahmah hi. Zomi min tawh ong
ki theinai lo ahih man in, ong ki theihna ding hamciam ding cih pen
thuman thutak hi. Ldam
