Zomite lak ah i makaipi khat a hi, Global Zomi Alliance (GZA) Vice President leh Kalay Diocese Bishop pi pa ahi Sayadaw Bishop Felix Lian Khen Thang pen Kawlgam pan US ah hong zin in Washington D.C area ah zong July 22 ni in hong pai thei hi. D.C Area aom Zomite tawh kimuh khopna leh holim khopna pen July 23 ni nitak 8:00 PM kiim in BCC biakinn kikhopna ah nuamtak kinei thei aa, tualai ah Bishop pa in Pasian thu, gam leh minam thu, pilna thu leh thu tuamtuam te hong gen thei aa, zaknop kisa in tha kingah mahmah hi. D.C Area aom UZO-D.C kipawlna in zong Bishop pa muakna in Vok khat go uh aa, nitak ankuang um khawm thei uh cih thu kiza hi.
Zomi D.C News
Zomi D.C Media
