 |
| Facebook ah kuppihna te kisim thei |
1. zattang pau pen, kawlpau ong hi limlim ding (mangpau lah baih pak lo ding, ei lak pan khat aa zangh ding i cih leh, adang te a ut diam)
2. zattang pau pen, ei pau sang in zatzai zaw ding ahih man in, i pau i lai, i media, i music, i laibu te in, a manpha zah in man nei nawnlo ding in, khangthak te hun ciang, zattang pau thei leh kicing sa ta ding uh, pianpih pau, lai cih te kepcing ding haksa ding,
3. Chin min kituh bawl ta ding, lai/ laibu khawng, la/limtang khawng, media tuamtuam te ah Chin lai, Chin ngeina, Chin puan, Chin pau cih vive tawh nam dang te lak ah na kisem ding
(gtn. chin lai ci in a mau lai ong zangh leh a dang te lungkim lo ding, tua pan ei lai tawh chin lai mah ci aa promote ong kul ding, ki dem ki tuh ong kul ding, zolai kua man ci khol nawnlo ding)
4. Zomi cih pen i koihna ding leh i zatna ding mun ong bei semsem ding, a thupi khat/ zumvai bangvai te ah ahih leh Chin kici in, kua ma phawk khak loh nasepna te bek ah Zomi kici kha bek thei ding.
(gtn. na thupi khempeuh zumkong mangkong kul veve in tua ciang zumkong mangkong aa ki ciamteh min mah i zat kul ding, ei leh ei i ki cih tawm ziauh unofficial min ciang bek pen tawh deihbang aa na kisem theilo ding)
5. Chin kici aa Chin state uk khit ciang minkhel ding pen, tun zongh Chin i kici aa i khelzo tuan kei hi. Kiukna kikhel lai sawnsawn leh, vote vive tawh thu kikhen in, Chin state bup pen Zomi deih vote in zo ngeilo ding ahih man in, ki khel zolo semsem lai kha ding hi.
(vasa leng lai 10 sang' i khut sung aa 1 pen, man nei zaw hi.)
6. Japan/ Korea/ German/ Chinese te amau leh amau atuam in kici uh in, leitung in a tuam in thei veve hi cih pen, ei Zomi te din mun tawh genkaak theih ding hilo. Banghang? Zomi te a mau zah in mimal kitamlo, foundation kisam tuamtuam te kip zo nailo i hih man in, a mau dan in, ngeina, pau leh ham, lai cih te leh ID pen kepzawh ding, ong haksa lai phawt.
(tua bang aa dinmun ki thei tello pi aa world level tawh a ki genteh peuhpeuh te pen, kawlpau in lay-kyi moe-kyi kici lel)
7. Khang kik te hun ciang, Chin leh Zomi tawh kibuai nuam khollo kha thei ding (tun zongh tampi tak in khat peuhpeuh ci khin) tua pan, Zum ah kiciamteh sa Chin pen kip semsem ding in, kum 50 sung in Zomi cih pen mangthang ding (leitung lah bei nai lo ding)
8. Tuhun mahmah ciang zongh, ei Chin maw Zomi maw Tedim mi maw aci tampi ki om lai, pawlkhat te'n Zopau/ Zolai ci pawlkhat te Tedim pau/ Tedim lai ci, a lai a pau gen uh a 2 aa kibang hi in, koi zaw cih a khen thei nawnlo tampi tak om khin, official in (kumpi zum ah) a ki ciamteh zawzaw kip pai suak ding Zomi leh Chin official in koi tawh ki ciapteh ding ut zaw?
9. Tua hang in, Zomi cih pen ei leh ei i kicih ciang Zomi kici in tua lo ciang Chin kici ding cih pen, sang ding hamsa aa Zomi cih pen, official in zumkong mangkong ah ciaptehna kiciantak in a om ding ki deih ahihi.
*
- hamphatna cici aa, casino kimawl te, chee htoo, lottery lei te i bat loh ding thupi, tua te zongh phadawm lai, tun pen minam bup vai hi.
- Na khempeuh advantage leh disadvantage om tek in khinkhai aa, koi sawt kimangzaw ding cih ethuai.
- Give and take akici mah bang in, i supna i invest na, i risk na cih te zongh bel om sam mah lo ding maw... i deih i ngahnop pen zongh thu mawkmawk hisamlo hiven...
- Zolai, Zopau,Zongeina te i phungvuh nop leh Zomi pen official in ciaptehna i ngah ding kisam masa phawt hi.
related post: https://www.facebook.com/
